PRUGRAM Y FURMAZION CREATIVA DL MUSEUM GHERDËINA
L Museum Gherdëina nvieia families, grupes y persones de uni età a tò pert a manifestazions de n prugram culturel particuler. Pitli y granc possa scuvierjer adum la storia, cultura y l artejanat dla valeda cun vijites menedes, berstot creativa y autra prupostes interatives. Dessot sun chësta plata iel da abine duta la nfurmazions per planifiché vosta proscima vijita.Scuvierjer deberieda l mond dl juech!
La mostra nterativa „Dal lën al juech“ tl Museum Gherdëina ie śën davierta! Scuvride cun duta la familia la storia de Gherdëina, di juesc de lën y dajevë ju deberieda cretivamënter.Rujeneda: ladin, talian, tudesch (nglëisc mé sun dumanda)
Dureda: ca. 60 min.
Numer de partezipanc: da 4 persones nchin a 15 persones
Priesc vijita interativa y berstot: 2,50€ a persona, material lepró
Ntreda museum: 20€ ntreda familia (2 granc + mutons sota 16 ani); 10€ ntreda familia mini (1 grant + mutons sota 16 ani); 10€ ntreda singula; 8€ miëur priesc
Prenutazion*: info@museumgherdeina.it, tel. 0471 797554
*L vën cunsià de se scrì ite nchin al di dan la vijita.
Raida storica de Urtijëi
Jì tres Urtijëi ie sciche viagë tl tëmp. La viles tl stil liberty fates su da artisć y ferlëgri nes porta ndëur te n tëmp ulache l ziplé garantiva n bensté ala valeda. La cëses de ferlëgher y la berstotes pieta na udleda ala ndustria dla roba da fé damat da n iede. Ntan la raida, nes conta ustaries y albiercs storics l’evoluzion de Urtijëi, ënghe coche luegia prijeda da alpinisć sibe d’instà che nce d’inviern.Periodo: 15 dezëmber - 30 merz, uni lunesc dala 15:00 ala 17:00
Pont d’ancunteda: dan l museum
Dureda: max. 2 ëura
Rujeneda: tudësch y talian (aldó di partezipanc)
Priesc de iscrizion: 26€ (Reguler), 10€ (per partner Val Gardena Active), 20€ (per partner Dolomites Val Gardena)
Iscrizion: Museum Gherdëina, Lia dl turism de Urtijëi, S. Cristina y Sëlva (nchin dumënia dala 18)
Link de iscrizion
La ventures dal Sevi
L Museum Gherdëina gëura la portes a n danmesdì particuler: n’ancunteda cun i ex - cunlauradëures Sevi, davierc a partì lecorc y storeis de si ani de lëur, tla curnisc dla mostra nueva “Dal lën al juech – Sevi ora per l mond”.Can? Sada, ai 07.03.2026 dala 10:00 inant
Ulà? Museum Gherdëina
La ntreda ala manifestazion ie debant.
Vijita meneda ala mostra "Pec de n mond" cun la curadëssa
La mostra nueva "Pec de n mond" nvieia i vijitadëures a ti cialé al’ert dl ziplé y dl depënjer de Gherdëina te n barat cun l mond sëura la valeda ora. Chësta mostra nes lascia udëi coche i artisć y l’artistes, i artejans y l’ artejanes y i marcadënc y marcadëntes de Gherdëina fova cunliei cun l’ert y la curëntes cumerzieles europeiches – caraterisedes dala cultura dla chëurtes, da vijions colonieles y da tradizions locales.Can? 27 de fauré dala 16:00
Ulà? Museum Gherdëina
Rujeneda: tudësch y talian (aldó di partezipanc)
La ntreda ala manifestazion ie debant.
Deplù nfurmazions